Archives

All posts for the month January, 2016

Teresa wokuRisu

Posted by MC on January 1, 2016
Posted in: Minamato kuvaTsvene. Leave a comment

Munamato waTeresa wokuRizu

Mwari wangu, ndinokupai mabasa angu anhasi, kuti azadzise zvinodikanwa noMwoyo Mutsvene waJesu. Ndinodisa kunatsa femo rose remwoyo wangu, pfungwa yangu yose namabasa, nokuzvibatanidza kune zvinofanirwa nomwoyo waJesu. Ndinoda kuripira zvitadzo zvangu nokuzvikanda murimi romoto weTsitsi norudo rweMwoyo Mutsvene waJesu.
Mwari wangu, ndinozvikumbirira uye ndinokumbirira vadikani vangu kuti mutipewo nyasha dzokunyatsozadzisa kuda kwake kutsvene. Rudo rwedu kwamuri, rwutigonese kugamuchira mifaro namatambudziko oupenyu huno huri kupfuura, kuti rimwe zuva tigozofara takabatana nemi kudenga kwemisi isingaperi. Amen.

Padre Pio

Posted by MC on January 1, 2016
Posted in: Minamato kuvaTsvene. Leave a comment

Munamato waPadre Piyo Mutsvene wokukunda uipi

Burukirai pandiri imi Mweya waMwari baba vedu, Mwanakomana naMweya Mutsvene, Utatu hutsvene, Maria Mhandara Tsvene isina mhaka, vatumwa navatsvene vose.
Tenzi, ndichenesei mundiumbe uye zvizadzei pachenyu mandiri, kuti mugondishandisa sokuda kwenyu.
Tandirai kure neni masimba ose ouipi, muaparadze nokukunda pamusoro pawo, kuti ndive noutano uye ndikwanise kuita mabasa akanaka. Tandirai kure neni mweya youroi, kushereketa kwokuteketera uipi, ruchiva, godo nemaitiro ose anosvibisa muviri, mwoyo nomweya.
Ririmisai nomoto uipi hwose kuti usazonyangadzazve ini kana chimwe chisikwa chose chiri pano panyika. Nesimba raMwari samasimbaose, nomuzita raJesu Kristu muponesi wedu uye nomureverero yaMaria Mhandara Tsvene isina tsvekwa, ndinodzinga masimba ose omweya yakaipa anonditambudza. Ndinoti ngaabve pandiri zvachose, atandirwe kugehena, anogara akasungirirwa ikoko navatumwa Mikaeri naGabhureiri naRafaeri vatsvene pamwe navatumwa vachengeti vedu. Masimba akaipa ngaaparadzwe pasi petsoka dzaMaria Mhandara Tsvene isina mhaka. Amen.

Bhenedhiki Mutsvene

Posted by MC on January 1, 2016
Posted in: Minamato kuvaTsvene. Leave a comment

©Musakope munamato uyu nechinangwa chokutsvagisa mari musina kukumbira mvumo

Munamato wokukumbira nyasha

Mudikani Jesu, Mwanakomana wechokwadi waMwari uye waMaria Mhandara Tsvene, kutambudzika nokufa kwenyu kwakati dzikinura kubva kuuipi nouranda, uye nomuchishamiso choMuchinjikwa wenyu makapa mbiri kumuranda wenyu Bhenedhiki, sezvo makamupa simba risina mugumo pamusoro pemasimba erima. Zvino tichirevererwa nomutsvene uyu, tinokumbira kukunda uye kutirira mukurwisa mweya yakaipa anova muvengi wedu mukuru, dzidziso dzounyengedzi nemienzaniso youpenyu hunonyadzisa, mashoko nokupfeka kusina unhu uye vanhu vakaipa vanogaroedza kukanganisa mweya nomiviri yedu. Bhenedhiki Mutsvene, murevereri wedu akakosha, tibatsirei kuti Jesu atipewo nyasha dzinodikanwa nomweya nemiviri yedu.
Baba vedu … (kamwechete) Kwaziwai Maria … (kagumi) Vakudziwe … (kamwechete)

Munamato wokuzvipira kuna Bhenedhiki Mutsvene

Bhenedhiki Mutsvene, mubatsiri wavose vanochema nokwamuri, ndigamuchireiwo mundiise pasi pedziviriro yenyu, nokuchengetedza upenyu hwangu hwakatwasuka. Ndiwanireiwo nyasha kuti ndigone kuita rupinduko nokutendeuka zvechokwadi kuti ndigadzirise kutadza kwangu nokupa rumbi-dzo nembiri kuna Mwari zuva roga-roga roupenyu hwangu. Somunhu, maitiro anguwo ave anofadza mwoyo waMwari. Ndiyeukei pamberi paNyakumusorosoro, kuti kana ndichinge ndadzikinurwa, nditsi-ge murunako. Iye ngaasandibvumira kutaramuka kubva paari. Azondigamuchira muboka ravasarudzwi rokuimba pamwe navatsvene vose vanokuteverai kumifaro isina mugumo. Mwari Samasimbaose musina mugumo, vandudzai Mweya Mutsvene wenyu mandiri sezvakafanira uye zvinopiwa nomuen-zaniso waBhenedhiki Mutsvene navamwe vatsvene vose. Ndipeiwo simba mukurwisa miedzo yasa-tani, mwoyo murefu mumatambudziko oupenyu nokuchenjerera njodzi. Wedzerai mandiri rudo rwokuitira vamwe, urombo nomweya wokuteerera, kuzvininipisa nokutendeka mukurarama sez-vinodikanwa paMukristu. Ndichibatsirwa nemi uye nechido chehama dzangu, daiwaro ndakuitirai ndi-ine mufaro, ndigozosvikawo nokukunda kumusha wokudenga pamwe navatumwa navatsvene vose, nomuna Kristu Tenzi wedu. Amen.

Munamato pamberi poMuchinjikwa waBhenedhiki Mutsvene

Posted by MC on January 1, 2016
Posted in: Minamato kuvaTsvene. Leave a comment

Muchinjikwa waPapa vedu Vatsvene Bhenediki;
Daiwaro Muchinjikwa Unoera wava chiedza changu! Garanyanya ngarisava mutungamiri wangu! Ibva pandiri satani! Usafezve wakambondiedza namanyepo ako! Chaunongopa uipi. Saka zvinwire muchetura wako! Muzita raBaba neraMwanakomana neroMweya Mutsvene. Amen.

Johani Vhiani Mutsvene

Posted by MC on January 1, 2016
Posted in: Minamato kuvaTsvene, Uncategorized. Leave a comment

(Kunamatira VaPristi)
Tenzi Jesu, makauya panyika pano kuti muzopa uchapupu kuchokwadi, inzwaiwo minamato yedu.
Wanziridzai nomutsa, upfumi muuwandu hwavapristi vedu, mugovachengetedza murudo rwenyu kuti mupiro unoera urambe uchipirwa kasingaperi kuUtatu Hutsvene mudunhu redu.
Maria Mhandara Tsvene namai vatsvene veSangano, tinokumbira kurevererwa nemi mudunhu redu, kuti majaya adavire kushevedzo yoMwanakomana wenyu Jesu Kristu yokuti, “Uyai munditevere”. Imi amai vedaidzo yose yokuitira Mwari, zevezerai munzeve dzemajaya omudunhu rino kuti vapire upenyu hwavo hwose kuMwoyo wenyu usina mhaka kuti ivowo vagovawo vamwe vanaKristu. Vapei basa rokuva vana baba vezvomweya.
Chengetedzai vasarudzwi vaMwari Mwanakomana wenyu vari vatsvene, vakachena uye vaine runamato nokutendeka kuitira kuti vagare vari mipiro mipenyu inokudza nokupa mbiri kuna Mwari. Amen.

Munamato waJohani Vhiani Mutsvene

Posted by MC on January 1, 2016
Posted in: Minamato kuvaTsvene. Leave a comment

Ndinokudai Mwari wangu,
Uye chishuvo changu ndechokukudai kusvikira pafemo rokupedzisira roupenyu hwangu.
Ndinokudai imi Mwari wangu munodikanwa zvisina mugumo,
Ndinosarudza hangu kufa ndichikudai, pane kurarama ndisingakudei.
Ndinokudai Tenzi, nyasha dzandinokumbira bedzi ndedzokuti ndikudei kwemisi isingaperi…
Mwari wangu, kana rurimi rwangu rwukatadza kuti ‘ndinokudai’ nhambo dzose,
Ndinoda kuti mwoyo wangu udzokorore mashoko aya nefemo rose randinoita.

Munamato waFaustina Mutsvene

Posted by MC on January 1, 2016
Posted in: Minamato kuvaTsvene. Leave a comment

(Kunamatira Sangano naVaPristi)
Jesu wangu,
ndinokutetererai ndakamirira Sangano rose;
kuti muripe rudo nechiedza chaMweya wenyu
uye mupe simba kumashoko avapristi
kuti vatadzi vakaoma mwoyo vatendeuke,
vadzoke kwamuri Tenzi.
Tenzi, tipeiwo vapristi vatsvene.
Imi pachenyu mugovachengetedza muutsvene.
Imi Mwari noMupristi mukuru kwazvo,
daiwaro simba retsitsi dzenyu rafamba navo kwosekwose,
nokuvadzivirira kumiteyo nomisungo yasatani
inogaroteya mweya yavapristi.
Tenzi, imi munogona kuita zvose,
dai simba retsitsi dzenyu
raparadza zvose zvinosvibisa utsvene hwavapristi.
Jesu ndinokumbirawo chikomborero chakakosha
uye chiedza pamusoro pavapristi vose
vachagamuchira reururo yangu muupenyu hwangu hwose.
Amen.

Novhena kuna Teresa Mutsvene weMwana Jesu

Posted by MC on January 1, 2016
Posted in: Manovhena. Leave a comment

(Murevereri webasa rokuparidza)
Teresa Mutsvene weMwana Jesu, munguva pfupi youpenyu hwenyu panyika, makava chiringiro choutsvene hwaVaTumwa, rudo rwakasimba sorufu, mwoyo wokuzviturira zvizere kuna Mwari. Zvino mava mumufaro wemubairo wokurarama mutsika dzakanaka, tendeutsirai meso enyu etsitsi pandiri nokuti ndinovimba zvizere mamuri.
Ndiwanireiwo nyasha dzinondigonesa kuchengeta mwoyo nehana yangu zvakachena noutsvene sezvamakaita. Ndiseme zvemazvirokwazvo zvose zvingasvibise tsika ine mbiri yokuchena iyo inodisiswa naTenzi wedu.
Ndizere nechivimbo musimba renyu mukureverera kuMwoyo Mutsvene, ndinokutetererai kuti mundireverere ndigowanawo zvandinoshuwira nokukumbira izvi…
(Taura chaunoda)
Vadiwa Ruva Diki, ndiwanireiwo kubva kuna Mwari nyasha dzandinotarisira dziri muunaku hwake husingaperi. Itai kuti ndione nokunzwa simba rominamato yenyu mune zvose zvandinokumbira. Ndipeiwo nyaradzo muna zvose zvinorwadza zvoupenyu, zvikurusei panguva yokufa. Ndigokodzera kugoverana mufaro usina mugumo nemi kudenga. Amen.

Novhena kuna Rita Mutsvene

Posted by MC on January 1, 2016
Posted in: Manovhena. Leave a comment

(murevereri wavanoshaya)
Rita Mutsvene, Mwari akakupai kwatiri somuenzaniso worudo nomwoyo murefu, akadazve kuti mugoverana, kutambudzika nokufa kweMwanakomana wake. Ndinotenda Mwari pamusana pamakomborero mazhinji aakadururirai upenyu hwenyu hwose, zvikurusei kushaiwa mufaro mumuchato wenyu, uye urwere hwenyu muri kuvapikiri.
Daiwaro muenzaniso wenyu wandikurudzirawo kutakura muchinjikwa wangu nomwoyo murefu uye kugara upenyu hutsvene. Dai ndagona kufadzawo Mwari nechitendero namabasa kuburikidza nokumuitira sezvamakaita imi.
Ndinokundikana nokuda kwoutera hwangu. Ndireverereiwo kuna Mwari kuti andidzorere murudo rwake kuburikidza nenyasha dzake agonondibatsira munzira yangu yoruponeso.
Norudo nemutsa wenyu, inzwaiwo munamato wangu mundireverere kuna Mwari ndiwanewo izvi zvandinokumbira …
(Taura chaunoda)
Daiwaro minamato yenyu yandibatsira kurarama upenyu hwakatendeka kudaidzo yangu sezvamakaita nokupa rudo rwakadzama kuna Mwari nomumwe wangu kudzamara ndasvika kuupenyu husingaperi kudenga. Amen.

Novhena kuna Judhi Tadheu Mutsvene

Posted by MC on January 1, 2016
Posted in: Manovhena. Leave a comment

(Murevereri wevarasa mwoyo)
Judhi Tadheu Mutsvene mune mbiri, makapiwa zvipo zvikuru zvokudenga zvakashongedza upenyu hwenyu wose. Makaitwa hama yaJesu Kristu yapadyo, mukadaidzwa kuti muve Mupositori wake. Nokuda kwembiri yamakawana yamuinayo kudenga somubairo wokushanda somupositori uye mufiri wechitendero, ndiwanireiwo kubva kunaiye mupi wezvose zvakanaka, mupi wezvipo zvakaruramisa, nyasha dzose dzandingade …
(Taura chaunoda)
Ndibatsirei kuchengeta mumwoyo mangu upfumi hwedzidziso yaMwari yamakapa muTsamba yenyu; ndigonewo kuumba muzinda woutsvene pahwaro hwechitendero chedu chitsvene; ndinamatire kuwana nyasha dzaMweya Mutsvene; ndigare murudo rwaMwari ndichitarisira kutsitsi dzaJesu Kristu kusvika kuupenyu husingaperi; ndishingairire kubatsira nokudzora vose vanorasika.
Daiwaro ndarumbidza mbiri, hukuru, utongi nesimba raiye anogona kundichengeta ndisina rutadzo nokuzondigamuchidza ndakachena nomufaro mukuru pakuuya kwaMwari Muponesi wedu, Tenzi Jesu Kristu. Amen.