Mufundisi abvunza “Kana munhu akafa asina kubvisa roora anoenda kudenga here?”
Chidhakwa chakadaira “Anoendepi iye akambotadza kuenda kwaatezvara padhuze paanoziva.”
Mufundisi abvunza “Kana munhu akafa asina kubvisa roora anoenda kudenga here?”
Chidhakwa chakadaira “Anoendepi iye akambotadza kuenda kwaatezvara padhuze paanoziva.”
Chinhu chinonyanya kukosha chinokona kuitirwa mupriste nemutenderi kumunamatira.
Zvakanaka kuziva kuti vapriste vanotinyengeterera zuva rega-rega. Hapana chakaipa kuitira mupriste rusariro, pfugamiro, chipirwa kana kumutsanyira. Unogonawo kumutumira kadhi uchimuvimbisa kuti uchamunamatira kuti zvishuvo zvake zviitike.
Chingava chinhu chakanaka kana iwe semutenderi ukava nechokwadi chokuti mupriste wako awana chokudya zvikuru mazuva ezororo paanenge asina mubiki. Zvakangonakawo kuti apedza zuva rose achiriritira vanhu pamazuva makuru adzoke kumba achiwana chokudya asingatangi kubika patsva. Ziva kuti mupriste wako anofarira kudyei womugadzirira. Usangoita chete kuchitarisira kuitirwa chimwe chinhu.
Kupemberera zuva rekuberekwa kwemupriste wako kana zuva rougadzo hwake ipfungwa yakanaka zvikuru. Zvinongofadza kuyeukwa pazuva rawakagadzwa.
Hurukuro zhinji dzinowanzotenderera pakunyunyuta pamusoro pomupriste, parishi, vamwe vatenderi, vaimbi, zvisina kumira zvakanaka mumba yaMwari, sarudzo dzaitwa nezvimwe. Kashoma kunangana nezvechitendero. Iwe usawanze kunyunyuta.
Usamirira kuti ubvunzwe! Vapristi vakagadzirwa kupa, uye zvakavaomera kukumbira zvinhu. Pira nguva yako kuparishi sechiratidzo chekutsigira nokushandira kwako. Funga kuwedzera chegumi chako kuratidza kutsigira kwako parishi nemupristi.
Hapana chinofadza mupriste kupinda kuona mutenderi achiuya kureururo kana kumisa. Kana wapinda mumisa enda mberi unoimba nevamwe uchiratidza kutsigira zviri kuitwa.
Kagwaro kumupriste, zvikuru wawava nenguva usingaone, uchimuudza kuti upriste hwake hwakashandura upenyu hwako kanesimba.
Tsamba kubva kumutenderi inonakidza kugamuchira. Kwete kadhi rine mazwi mashoma. Makadhi akanaka zvawo, asi tsamba inoreva zvakawanda. Zvinobata mwoyo kunzwa mutenderi achinyatsorondedzera kuti zvakaitwa nomupriste zvakamubatsira sei. Zvinofadza mutenderi paanotaura kana kutumira gwaro rokutenda: ‘Ndinotenda nekuda kwehupriste hwenyu’, ‘Ndinotenda nekuda kwekuve mushumiri wedu.’ ‘Ndinotenda nekupindura foni yangu.’.
Muudze kuti akaunza mutsauko muupenyu hwako. Munyorere gwaro rokutenda. Mashoko mashoma chaiwo anoreva zvakawanda kumupriste mazuva ano. Mashoko ekuvonga pashure pemariro uye michato kana mharidzo yagonekwa akakosha.
Rumbidzai mupriste mushure memuteuro wose weMisa. Kunyange usingadi mupriste, masi ine chekuita nokuvapo kwaJesu. Unogona kungoti kumupriste mushure mereururo, ‘Ndinokutendai nokuda kweushumiri hwenyu uye ndichakunyengetererai.’ Izvi zvinoreva zvakawanda. Gadzira vhidhiyo raunenge uchibvunza vatenderi chinhu chimwechete chavanofarira pamupriste womuratidza.
Tsvaga mikana yekurumbidza mupriste wako kunyange uya wausingadi zvikuru. Mupriste anonzwa manyunyunyuku paanonzi ‘Misa iyi yanga ichinakidza zvikuru, Baba.’
Kurudzirai muprista kuti atore nguva yokuzorora.
Dzivisa makuhwa pamusoro pemupriste neparishi. Usaite makuhwa kana kutsoropodza asi kuti ipa rubatsiro runovaka. Vangani vakatadza kupikira nokuti vakanzwa vapriste vachishorwa nokuda kwetunhu nhando.
Paunoona mumwe munhu achiomesera kana kunetsa mupriste, ratidza mupriste kuti wazviona womuratidza tsitsi.
Usatanga nokumuudza zvausingadi kana kari kekutanga kusangana naye. Mukwazise usati wamuudza zvakashata.
Zvichida haasi puramba, saka usatarisira kuti agadzire paipi iri kubvinza. Mufungire zvakanaka nguva dzose uchiziva kuti haana chinya newe. Kupa pfungwa dzako kunobatsira. Asi kutsoropodza nekunyunyuta kunopiwa pasina kuzvininipisa uye rudo rwechokwadi kunosveta.
Usafunga kuti unofanirwa kuva nemupristi Svondo roga roga uye pazvose zvaunoda. Usatarisira kuva shamwari yemupristi – mufundisi wako saka ukama hwenyu hunofanira kuva nemiganhu. Usadada kune vamwe vaunonamata navo kuti ‘Ndiri padyo nababa nhingi’ nekuti zvinosika ruvengo negodo – maitiro iwayo anoshungurudza mupriste, kumuvengesa kana kuvhiringa basa rake.
Kana pakaitika chiitiko chinonetsa muparishi rutsigiro kumupriste rwakakosha. Anogona kupomerwa mhosva yeutsinye kana kuita chimwe chinhu chinopedzisira chava mumapepa nhau. Panguva yakadai anoda mashoko netsamba dzerutsigiro dzakawanda dzinobva kuvatenderi.
Dzimwe nguva zvakanaka kuti mupriste awane nguva yake oga. Usaite mwoyochena usina humwoyochena uchifunga kuti baba vakasurikirwa, vari kushungurudzika kana kuti vari kuodzwa mwoyo ivo vasiri. Pamwe chavanenge vachingoda chete kuva voga vachizorora.
Zvakanaka kana vatenderi vakafunga kukukoka mabiko emhuri: mazuva ekuberekwa, mazuva ekurangarira zuva remuchato, kudya kwepazororo. Dzimwe nguva mupriste anogona kuti haakwanisi nokuti anenge aine zvakamubata asi kukoka kunenge kwakangonaka.
Chikurusa ndechekuti Mwari anoda kuti tive vatsvene. Hapan chinofaddza mupriste kupinda kuona utsvene muhupenyu hwevatenderi vaanoshumira.
Ndinovimba mashoko aya achakubatsirai. Rangarirai kuti vapriste vanosiyana. Vamwe vanoda zvekukokwa mudzimba vamwe vanosarudza kudyira kumba kwavo. Iwe ukaziva zvaanoda wana mabatsiriro aungamuite.
Nhaimi ndokumbirao kubvunza. Iwo ma kiyi emota haakwane muhomwe here? Ko pamaive musati mava nemota gotsi maikwenya nei?
Ukandiona ndakarara muchechi usandimutse. Siya ndiite zvandinoda. Ndiri kuzorora mumba mababa vangu. Hanzi “Uyai vakaneta, vakaremerwa ndichakupai zororo.” Saka siyai ndizorore.
Ndatenda!😜😜😜🙏🏻🙏🏻🙏🏻😂😂😂😂
Nhasi ndakumbira ayini kune muvakidzani wangu akanditi “Ayinira muno. ” Ndabvandatora hembe dzangu ndikaayinira mumba make. Azouya achikumbira chikorobho ndikamuti “Korobhera muno.” Kutaura kuno akandigumbukira. Ini ndiri kutoshaya pandatadza ndepapi.
Nhai kana uchida kuenda kwaGutu ukakwira bhazi rakanzi Chegutu ungatadze kusvika here?
Ka ‘Che’ ako kane basa here?
Siyai katsika kenyu kegudziisira mvura yekugeza mupoto yekubikira. Kutaura kuno ndigere mukombi padivi pemunhu arikunhuwa makuru.
Kuvenga munhu asina basa newe zvakangofanana nekutsonya bofu!
Unenge uri panhamo uchisvimha misodzi wobva watarisa tsoka dzemuvakidzani wako woona akapfeka babana!