Munamato kumhandara yokuGwadharupe waPapa Johani Pauro II
Mhandara Tsvene yeGwadharupe,
Amai vamarudzi ose,
Ipaiwo misha yedu nyasha dzokuda nokuremekedza upenyu kubva paunotangira,
Norudo rwumwechete rwamakachengeta upenyu hwoMwanakomana waMwari munhumbu yenyu.
Maria Mhandara Tsvene,
Amai vorudo rwakanakisa, dzivirirai mhuri dzedu kuti dzigare dzakabatana, mukomborere kurerwa kwevana vedu.
Chitarisiro chedu, titariseiwo netsitsi, mutidzidzise kugaroenda kuna jesu,
Kana taputsika tibatsirei kumukazve nokudzokera kwaari nomukureurura mhosva nezvitadzo zvedu musakaramende rerupinduko, Rinopa mweya yedu rugare.
Tinokumbira kuti mutipewo rudo rwukuru kumasakaramende ose anoera,
Sezvo ariwo zviratidzo zvatakasiirwa pano pasi neMwanakomana wenyu.
Amai vatsvene kwazvo, kana rugare rwaMwari rwagara muhana dzedu, uye mwoyo yedu yadzikinurwa kubva kuuipi noruvengo,
Tichagona kusvitsa vamwe kumufaro norugare rwechokwadi,
Rwatinopiwa noMwanakomana wenyu Tenzi wedu Jesu Kristu,
Anogara nokutonga pamwe naBaba naMweya Mutsvene kwemisi isingaperi. Amen.
KANA USINGAKWANISE KUENDA KUMISA
KUGAMUCHIRA PAMWEYA
Kugamuchira Pamweya kudokwairira kugamuchira Tenzi kunyange usingakanise nokuda kwenhambwe kana chimwewo chikonzero. Chido ichi chokumutambira nokuGamuchira Pamweya chiito chorudo chinotambanudza kutenda kwedu kunyange tirisi paMatendo (paYukaristiya) aTenzi wedu.Chishuvo chokurarama nguva dzose muuvepo hwake chinokwichidzirwa nezviito zvorudo nekupanga kubatanidzwa naye uye inzira yokuchera zvizere muupenyu hwaMweya anogara matiri panguva yenyasha. ‘Zviguro zvamasakaramende zvinogona kugamuchirwa nokupanga. kunyange sakaramende risingagamuchirwe pacharo nenzira iyi … kugamuchira sakaramende pacharo kunouisa zviguro zvizere pane kugamuchira nokupanga bedzi’ (Tomai Akwayinasi). Vinyorwa zvaVaTsvene zvinoratidza nzira dzakawanda dzoKugamuchira Pamweya:
Chiito Chokugamuchira Pamweya
Jesu, ndinotendeukira kuUgaro Hunoera kwamugere makazvivanza pamusana porudo rwenyu kwandiri. Ndinoda kukudai Mwari wangu uye ndinoda kukudai nomwoyo uzere rudo. Ndinoshuvira kukugamuchirai, asi zvino handisikukwanisa kukugamuchirai muchidyiro chinoera. Tenzi, uyai pamweya mupinde mumwoyo mangu, mugare mandiri nokusingaperi. Ndicheneseiwo uye muite kuti mwoyo wangu ufanane nomwoyo wenyu. Amen. (Arifondo Mutsvene).
Tenzi ndinoshuvira kukugamuchirai noutsvene, kuzvininipisa nokuzvipira sokugamuchirwa kwamakaitwa naMai Venyu Vatsvene Zvikuriu; nomweya nekuzvipira kwaVaTsvene.Uyai Tenzi Jesu.
Tenzi makanaka, itai kuti ndidokwairire kuva nemi … ndipei madziya, mufaro nokuchimbidzofunga imi. Kristu Mununuri Makanaka, ndipei nyasha dzokudokwairira masakaramende enyu matsvene zvikuru kupembera ndiri muuvepo hwemuviri wenyu chaiwo, muSakaramende Dzvene reBisiro. (Thomas More).
MINAMATO YOKUGAMUCHIRA KOMUNIONE TSVENE
Ita minamato iyi zvishona nezvishoma uchiita mazvi mashoma panguva imwechete. Zvinenge zvakanaka kumira mushure memashoko mashomanana kuitira kuti anyure mumwoyo. Munamato woga woga unogona kuitwa kakawanda.
Munamato pamberi peMisa
Mwari munoziva zviri mumwoyo yose, zvipango zvose uye hapana chakavanzika kwamuri; chenesai pfungwa dzemwoyo yedu nekurudziro yaMweya wenyu Mutsvene kuti tinyatsokudai, nokunyatsorumbidza zita renyu rinoera. Amen.
MUSHURE MOKUGAMUCHIRA
Munamato woRubatsiro
Mwari ndibatsirei kugamuchira zvakanaka. Maria amai vadiwa zvikuru, ndinamatireiwo. Mudiwa Mutumwa Muchengeti wangu, nditungamirirei pabisiro raMwari.
Munamato mushure mokugamuchira
Jesu wadiwa, tibatsirei kuparadzira kunhuwirira kwenyu kwose kwatinoenda. Zadzaimwoyo yedu noMweya wenyu woupenyu. Pindai nokugara matiri zvizere kuti upenyu hwedu hubwinye noupenyu hwenyu. Vhenekai nomatiri kuti nomatiriwo munhu wose watinosangana naye anzwe uye aone uvepo hwenyu. Pavanotarisa, ngavarege kuona isu asi imi bedzi Jesu! Garai nesu kuti tigobwinyawo sokupenya kwenyu tichivawo chiedza kune vamwe. Hapana chedu, zvose zvinobva kwamuri, nokuti imi ndimi chiedza chavo chinovheneka nomatiri. Saka regai tikurumbidzei nenzira inonyanyokufadzai yokuvhenekera avo vatinosangana navo. Itai kuti tikuparidzei, kwete namanzwi chete asi nomuenzaniso unoratidza rudo kwamuri ruzere mumwoyo yedu. Amen.
Detembo kuna Mikaeri Mutsvene Mutumwa Mukuru
Tenzi tinzwireiwo Tsitsi … Tenzi tinzwireiwo tsitsi
Kristu tinzwireiwo tsitsi … Kristu tinzwireiwo tsitsi
Tenzi tinzwireiwo Tsitsi … Tenzi tinzwireiwo tsitsi
Kristu tinzweiwo … Kristu tidavireiwo
Mwari Baba muri kudenga … Tinzwireiwo tsitsi
Mwari Mwanakomana mununuri wapasi … Tinzwireiwo tsitsi
Mwari Mweya Mutsvene … Tinzwireiwo tsitsi
Utatu Hutsvene hwaMwari mumwechete … Tinzwireiwo Tsitsi
Maria mutsvene, hosi yavatumwa … tireverereiwo
Mikaeri mutsvene muzere nyasha dza Mwari …
Mikaeri mutsvene munopfugamira Shoko raMwari zvakanakisa …
Mikaeri mutsvene mune chiremba chokuremekedzwa nembiri …
Mikaeri mutsvene mambo ane simba wechita chaTenzi…
Mikaeri mutsvene munotiratidza Utatu Hutsvene …
Mikaeri mutsvene muchengeti wemusha wedenga …
Mikaeri mutsvene mutungamiri nomunyaradzi wavaIzirairi …
Mikaeri mutsvene kubwinya nokutsunga kweSangano rehondo …
Mikaeri mutsvene remekedzo nomufaro weSangano rakakunda …
Mikaeri mutsvene chiedza chavatumwa …
Mikaeri mutsvene murwiri waVaKristu …
Mikaeri mutsvene simba ravose vanovimba noMuchinjikwa …
Mikaeri mutsvene chiedza nechitarisiro chomweya pakufa …
Mikaeri mutsvene rubatsiro rwakavimbika …
Mikaeri mutsvene rubatsiro rwedu mukurwiswa …
Mikaeri mutsvene mavambo echirango chisina magumo …
Mikaeri mutsvene munyaradzi wemweya iri mupurigatoriyo …
Mikaeri mutsvene makasarudzwa naTenzi kutambira mweya yavanofa …
Mikaeri mutsvene mambo wedu…
Mikaeri Mutsvene mumiriri wedu …
Hwayana yaMwari munobvisa matadzo apasi … Tiregerereiwo Tenzi.
Hwayana yaMwari munobvisa matadzo apasi … Tinzweiwo tenzi.
Hwayana yaMwari munobvisa matadzo apasi … Tinzwireiwo tsitsi.
Kristu tinzwei! … Kristu tidaireiwo!
M: Tireverereiwo Mikaeri mutsvene mambo wembiri weSangano raKristu!
Daviro: Kuti tikodzera kuwana zvamakavimbisa. Amen.
Ngatinamatei
Tenzi Jesu, tinatsei negomborero rinogara riri idzva, muite kuti nokurevererwa kwatinoitwa naMikaeri mutsvene, ungwaru hutidzidzise kusarudza nokuunganidza pfuma yedenga inogara nariinhi, pachinzvimbo chezvinhu zvapasi pano zvinopera. Imi munogara nokutonga kwemisi isingaperi. Amen.
Detembo kuMwoyo Mutsvene waJesu
Tenzi tinzwireiwo tsitsi … Tenzi tinzwireiwo tsitsi
Kristu tinzwireiwo tsitsi … Kristu tinzwireiwo tsitsi
Tenzi tinzwireiwo tsitsi … Tenzi tinzwireiwo tsitsi
Kristu tinzweiwo … Kristu tidavireiwo
Mwari Baba muri kudenga … Tinzwireiwo tsitsi
Mwari Mwanakomana mununuru wapasi …
Mwari Mweya Mutsvene …
Utatu Hutsvene hwaMwari mumwechete …
Mwoyo waJesu Mwanakomana waBaba Nyakugara nariinhi …
Mwoyo waJesu wakaumbwa naMweya Mutsvene mumimba maAmai Mhandara Tsvene …
Mwoyo waJesu makabatana zvizere naMwari muShoko Rake …
Mwoyo waJesu muno ukuru husingagumi …
Mwoyo waJesu imba inoera yaMwari …
Mwoyo waJesu ugaro hwaNyakumusoro-soro …
Mwoyo waJesu imba yaMwari, musuo wedenga …
Mwoyo waJesu choto chinotsva nechido …
Mwoyo waJesu ugaro hwoururami norudo …
Mwoyo waJesu muzere unyoro norudo …
Mwoyo waJesu chitubu chisingapwi chetsika dzakanaka dzose …
Mwoyo waJesu makakodzera kuimbirwa kwazvo …
Mwoyo waJesu Mambo anokokorodza mwoyo yavose …
Mwoyo waJesu mune pfuma youngwaru noruzivo rwose …
Mwoyo waJesu munogara nouMwari hwose …
Mwoyo waJesu munofadza Baba zvikuru …
Mwoyo waJesu matakagamuchira tose upfumi uzere …
Mwoyo waJesu chishuwo chezvikomo zvinogara narinhi wose …
Mwoyo waJesu makadzikama, mune netsitsi dzakanyanya …
Mwoyo waJesu munopfumisa vose vanokumbira kunemi …
Mwoyo waJesu tsime rorupenyu norunako …
Mwoyo waJesu makaripira mhosva dzedu dzose …
Mwoyo waJesu makazadzwa noruzvidzo …
Mwoyo waJesu makaponderwa matadzo edu …
Mwoyo waJesu makateerera kusvika murufu …
Mwoyo waJesu makabaiwa nepfumo …
Mwoyo waJesu tsime renyaradzo yose …
Mwoyo waJesu rupenyu rwedu nokumuka kwedu …
Mwoyo waJesu rugare rwedu nokuwadzaniswa kwedu …
Mwoyo waJesu makapirwa matadzo edu …
Mwoyo waJesu ruponeso rweavo vanovimba nemi …
Mwoyo waJesu chitarisiro chaavo vanofira munemi …
Mwoyo waJesu mufaro waVatsvene vose …
Hwayana yaMwari munobvisa matadzo apasi … Tiregerereiwo Tenzi
Hwayana yaMwari munobvisa matadzo apasi … Tinzweiwo Tenzi
Hwayana yaMwari munobvisa matadzo apasi … Tinzwireiwo tsitsi Tenzi
Jesu mune mwoyo munyoro unokotama … Itai kuti mwoyo yedu ifanane nowenyu.
Ngatinamatei:
Mwari Munamasimba ose musina mugumo, tarirai Mwoyo woMwanakomana wenyu wadiwa kwazvo, muone nokufadzwa nekukurumbidzai uye kukuripira kwaakakuitirai panzvimbo pavatadzi. Isu vatadzi tinokumbira tsitsi dzenyu, mubvume kutiregerera muzita rouyo Mwanakomana wenyu Jesu Kristu, anogara noumambo pamwe naMweya Mutsvene kwemisi isingaperi. Amen.
Detembo kuna Amai Maria
Tenzi tinzwireiwo Tsitsi … Tenzi tinzwireiwo tsitsi
Kristu tinzwireiwo tsitsi … Kristu tinzwireiwo tsitsi
Tenzi tinzwireiwo Tsitsi … Tenzi tinzwireiwo tsitsi
Kristu tinzweiwo … Kristu tidavireiwo
Mwari Baba muri kudenga … Tinzwireiwo tsitsi
Mwari Mwanakomana mununuri wapasi …
Mwari Mweya Mutsvene …
Utatu Hutsvene hwaMwari mumwechete …
Maria Mutsvene … Tirevereiwo
Amai vatsvene vaMwari …
Mutsvene weMhandara Tsvene …
Amai VaKristu …
Amai venyasha dzaMwari …
Amai makanyanya kuchena…
Amai vaTsvene Kwazvo …
Amai musina kusvibiswa …
Amai makangogara muri Mhandara Tsvene …
Amai mudikanwa …
Amai munoshamisa …
Amai vezano rakanaka …
Amai voMusiki …
Amai voMununuri …
Mhandara Tsvene makangwara kwazvo …
Mhandara Tsvene munokotamirwa …
Mhandara Tsvene munorumbidzwa …
Mhandara Tsvene mune simba …
Mhandara Tsvene mune tsitsi …
Mhandara Tsvene makatendeka …
Chiringiro choururami …
Chigaro choungwaru …
Musakisi womufaro wedu …
Mudi wezvomweya …
Mudi weruremekedzo …
Mudi worunamato …
Ruva rinoshamisa …
Shongwe yaDhaviti …
Shongwe yezvakakosha …
Imba yendarama …
Arika yechitenderano …
Musuwo wedenga …
Nyenyedzi inoyedzerwa …
Mupono wavarwere …
Diziro revatadzi …
Munyaradzi wavatamburi …
Mubatsiri waVaKristu …
Hosi yaVatumwa vaMwari …
Hosi yanaBabatateguru …
Hosi yaVaporofita …
Hosi yaVapositori …
Hosi yaVanyakufira chitendero …
Hosi yavapupuri vechitendero …
Hosi yeMhandara Tsvene …
Hosi yaVatsvene vose …
Hosi yakazvarwa isina mhaka yamavambo …
Hosi yakakwidzwa kudenga …
Hosi yorusariro rutsvene kwazvo …
Hosi yemhuri …
Hosi yorugare …
Hwayana yaMwari munobvisa matado apasi … tiregereiwo Tenzi
Hwayana yaMwari munobvisa matadzo apasi … tidavireiwo Tenzi
Hwayana yaMwari munobvisa matadzo apasi …tinzwireiwo tsitsi Tenzi
Tireverereiwo Amai vaTsvene vaMwari … Kuti tikodzereswe kuona zvatakapikirwa naKristu
Ngatinamatei:
Tinokutetererai Tenzi Mwari isu varanda venyu kuti mutipeiwo utano pamweya napamuviri, kuti nokurevererwa kwatinoitwa naMaria Mhandara Tsvene, tidzikinurwe mumarwadzo azvino
nokupinda naye mumifaro youpenyu husingaperi. Zvose nomuKristu Tenzi wedu. Amen.
Detembo Kuna Josefa
Tenzi tinzwireiwo Tsitsi … Tenzi tinzwireiwo tsitsi
Kristu tinzwireiwo tsitsi … Kristu tinzwireiwo tsitsi
Tenzi tinzwireiwo Tsitsi … Tenzi tinzwireiwo tsitsi
Kristu tinzweiwo … Kristu tidavireiwo
Mwari Baba muri kudenga … Tinzwireiwo tsitsi
Mwari Mwanakomana mununuri wapasi … Tinzwireiwo tsitsi
Mwari Mweya Mutsvene … Tinzwireiwo tsitsi
Utatu Hutsvene hwaMwari mumwechete … Tinzwireiwo Tsitsi
Maria Mutsvene … Tirevereiwo
Mwana mukuru werudzi rwaDhavidhi …
Kupenya kwana Babatategura …
Murume waMai vaMwari …
Muchengeti mutsvene wemhuri tsvene …
Baba muchengeti weMwanakomana waMwari …
Mudziviriri akachenjera waKristu …
Musoro weMhuri Tsvene …
Josefa makanyanya kururama …
Josefa Mutsvene kwazvo …
Josefa makangwara kwazvo …
Josefa makasimba kwazvo …
Josefa muteereri kwaye …
Josefa makatendeka kwazvo …
Chiringiro chomwoyo murefu …
Mudi wavarombo …
Muenzaniso wavashandi …
Chishongo chomugariro wemhuri …
Mudziviriri weMhandara Tsvene …
Musimboti wemhuri dzose …
Munyaradzi wavatamburi …
Chitarisiro chavarwere …
Mubatsiri wavakarofa …
Mutyisi wasatani …
Mudziviriri weSangano Dzvene Katorike …
Hwayana yaMwari munobvisa matadzo apasi … Tiregereiwo Tenzi
Hwayana yaMwari munobvisa matadzo apasi … Tidavireiwo Tenzi
Hwayana yaMwari munobvisa matadzo apasi … Tinzwireiwo tsitsi Tenzi
M. Akamuita Tenzi weimba yake.
V. Akamupa ushe pamusoro pezvinhu zvake zvose.
Ngatinamatei,
Mwari muukuru hwenyu makafanoronga kuti mufadzwe nokusarudza Josefa Mutsvene kuti ave murume wamai venyu vatsvene kwazvo. Tinokutetererai kuti mutikodzerese kuti iye watinoremekedza somudziviriri wedu pano pasi, avezve murevereri wedu kudenga. Imi munogara nokutonga kwemisi isingaperi. Amen.
Detembo kune VaTsvene
Tenzi tinzwireiwo Tsitsi … Tenzi tinzwireiwo tsitsi
Kristu tinzweiwo … Kristu tidavireiwo
Mwari Baba muri kudenga … Tinzwireiwo tsitsi
Mwari Mwanakomana mununuri wapasi … Tinzwireiwo tsitsi
Mwari Mweya Mutsvene … Tinzwireiwo tsitsi
Utatu Hutsvene hwaMwari mumwechete … Tinzwireiwo Tsitsi
Maria mutsvene … Tireverereiwo
Amai vatsvene vaMwari …
Mutsvene weMhandara Tsvene …
Mikaeri Mutsvene …
Gabhurieri mutsvene …
Rafaeri mutsvene …
Nemi mose vatumwa vaMwari …
Nemi zvita zvose zvaMweya …
Johani mutsvene muombeki …
Josefa mutsvene …
Nemi mose matateguru vatsvene navaporofita …
Pita mutsvene …
Pauro mutsvene …
Andreya mutsvene …
Jemusi mutsvene …
Johani mutsvene …
Tomasi mutsvene …
Firipi mutsvene …
Bhateromeu mutsvene …
Mateu mutsvene …
Simoni mutsvene …
Tadheu mutsvene …
Matiyasi mutsvene …
Bhanabhasi mutsvene …
Ruka mutsvene …
Mariko mutsvene …
Nemi mose vapositori vatsvene navavhangeri …
Nemi mose vadzidzi vatsvene vaTenzi …
Nemi mose vacheche makafira chitendero …
Stefano mutsvene …
Rorenzi mutsvene …
Vincent naVhiani vatsvene …
Fabieni naSebastini vatsvene …
Johani naPauro vatsvene …
Cosimasi naDamiani vatsvene …
Jevhasi naProtase vatsvene…
Nemi mose makafira chitendero …
Sirivesta mutsvene …
Grigori mutsvene …
Ambrosi mutsvene …
Agastini mutsvene …
Jeromu mutsvene …
Matini mutsvene …
Nikorasi mutsvene …
Nemi mose mabhishopi vatsvene navawadzanisi …
Nemi mose vatsvene ngwazi dzesangano …
Antoni mutsvene …
Bhenadhi mutsvene …
Dhominiki mutsvene …
Franzisi mutsvene …
Nemi mose vapristi vatsvene navaRevhi …
Nemi mose vatsvene vanamugarandoga …
Maria Magadharini mutsvene …
Agatha mutsvene …
Rusi mutsvene …
Aginesi mutsvene …
Sisiriya mutsvene … ..
Katarina mutsvene …
Anastasia mutsvene …
Nemi mose Mhandara Tsvene nechirikadzi vatsvene ..
Nemi mose vanhurume navanhukadzi vatsvene vaMwari …
Ivai netsitsi … Tiregerereiwo tenzi.
Ivai netsitsi … Tenzi tinokumbira kuti mutinzwe.
Kune zvakaipa zvose … Tenzi tidzivirireiwo.
Kumatadzo ose …
Kuhasha dzenyu …
Kunjodzi yerufu tisina kugadzirira …
Kuzviteyo zvasatani …
Kuhasha nokuruvengo nokuutsinye hwose…
Kumweya wehupombwe …
Kumheni nematutu …
Kunjodzi yokundengendeka kwapasi … .
Kumatenda nzara nehondo …
Kurufu chakamwe …
Nomukuva munhu kwenyu …
Nomukuuya pakati pedu … …
Nomukutizvarirwa …
Nomukuombekwa nokutsanya kwenyu …
NomuMuchinjikwa nokutitambudzikira …
Nomukufa nokuvigwa kwenyu …
Nomukumuka kwenyu kutsvene …
Nomukukwira kwenyu kudenga …
Nomukuburuka kwaMweya Mutsvene murevereri ..
Pamusi wokutongwa …
Isu vatadzi … Tinokutetererai kuti mutinzwewo.
Kuti muchatiregererawo …
Kuti muchatikanganwira zvitadzo …
Kuti muchatigonesa reururo yechokwadi …
Kuti muchatonga nokuchengetedza sangano renyu dzvene …
Kuti muchachengetedza utungamiri hwaro hwevapositori nezvita zvose …
Kuti muchaderedza mhandu dzesangano renyu dzvene …
Kuti muchapa rugare nokunzwanana pakati paVaKristu navatongi …
Kuti muchapa rugare nohumwe kuVaKristu vose …
Kuti muchadzora vose vakatetereka pachokwdi muchivatungamira kuchiedza chenyu…
Kuti muchatisimbisa nokutichengetedza mukukuitirai kutsvene …
Kuti muchasimudzira pfungwa dzedu kumifaro yedenga …
Kuti muchapa gomborero nokusingaperi kune vose vanotibatsira …
Kuti muchadzikinura mweya yedu neyehama dzedu kurangwa kwokuguma …
Kuti muchapa uye muchachengetedza michero yapasi pano …
Kuti muchapa zororo risina mugumo kuhama dzedu dzakafa …
Kuti muchatidairawo kukutetererai kwatinoita …
Mwanakomana waMwari …
Hwayana yaMwari munobvisa matadzo apasi … Tiregerereiwo Tenzi.
Hwayana yaMwari munobvisa matadzo apasi … Tidavireiwo Tenzi
Hwayana yaMwari munobvisa matadzo apasi … Tinzwireiwo tsitsi
Kristu tinzwei … Kristu tidavireiwo.
Tenzi tinzwireiwo tsitsi …
Kristu tinzwireiwo tsitsi …
Tenzi tinzwireiwo tsitsi …
Ngatinamatei
Mwari Samasimbaose, tinzwireiwo tsitsi mutiregerere matadzo edu mugamuchire mikumbiro yedu nomukurevererwa kwatinoitwa navatsvene. Amen.
Munamato kuna Kristu Mambo wazvose
Imi Kristu Jesu, ndinokuzivai nokukugamuchirai samambo wedenga napasi. Zvose zvakasikirwa imi. Tongai pamusoro pangu.
Ndinodzokorora patsva mhiko dzangu dzokuombekwa; Ini ndinorasa satani, mabasa nokunyengedza kwake kwose. Ndinovimbisa kugara upenyu sezvinodiwa neshoko renyu uye kusakisa nokukurudzira sokugona kwangu kwose ruenzaniso, rudo muna zvose zvandinotaura kana kuita mukushanda kwangu.
Ndifemereiwo Mweya wenyu Mutsvene; Ndishandisei kuunza rugare, mufaro norudo panyika yava dongo nokuda kwamakaro, ruvengo nokurwisana. Onai ndauya kuzoita kuda kwenyu. Ndibatsirei kukuita. Amen.
Munamato wechiposhi chomwedzi
(Munamato uyu unogona kuitirwa vatendi nomupristi, kana kuitirwa mhuri nomusoro wemba kana boka nomutungamiri waro. Unogonazve kushandiswa nomunhu ari oga)
Mwoyo Mutsvene kwazvo waJesu, tinozvipira patsva mukukuremekedzai nokukuitirai nomwoyo wose pazuva rino rakateketerwa kuti muremekedzwe. Tibatsirei kurarama zuva roga-roga nomweya wekuva nehanya navamwe muchokwadi uye wokukutendai zvakadzama pamusoro pavanhu vamakada kushanda nemavari kuitira isu.
Mukati mokuedzwa uye matambudziko, tinoyeuka kuti munesu nguva dzose sokuvapo kwamaiva navapositori venyu apo igwa rakaitwa sukunasai nedutu guru remhepo. Tinotsidza patsva kutenda kwedu uye chivimbo chedu mamuri.
Hatichazombokahadzikazve kuti muri shamwari yedu inogara nesu nguva dzose, inofamba nesu nokutishingisa kana tarukutika uye kutidzivirira kumanyepo nounyengedzi hwewakaipa.
Tenzi Jesu, komborerai umwe nomumwe wedu, mhuri dzedu, sangano nedunhu redu, nyika yedu nepasi rose. Komborerai mabasa edu, zvose zvatinozvipira kuita uye zvose zvinotivaraidza. Itai kuti zvose zvibve kwamuri.
Munazvose, tiiteiwo mudziyo worudo rweMwoyo wenyu Mutsvene kuti tirwusvitse kune vose vatinosangana navo. Nyaradzai ava vanorwara (… zita …), avo varikutambudzika pamwoyo nomupfungwa, neavowo vakatakura mitoro iri kuvakurira (… zita …).
Nhasi tinonyanyo kumbira zvinhu zviviri; kukuzivai zvakadzama, nokudawo zvose zvinodiwa noMwoyo wenyu Mutsvene; zadzai matiri maitiro oMwoyo Mutsvene wenyu tigoaratidza muupenyu hwedu.
Chokupedzisira, tinokumbira kuti chivimbo chedu mamuri chirambe chichikura zuva nezuva uye kuzvipira kwedu kune zvinodikanwa noMwoyo wenyu Mutsvene kuwedzeredzwe.
(Kuti udzidze zvinoda Mwoyo Mutsvene waJesu kuna Baba vake, kune vanhu, zvavanoda kana kushuvira, uye kukundikana kwavo, ita tsika yokuverenga Bhaibhiri zuva roga-roga. Zvirokwazvo uchasvika pakuziva pfungwa dzaMwoyo Mutsvene).
Kuteketera mhuri kuMwoyo Mutsvene waJesu
Mwoyo Mutsvene waJesu, makaratidza chishuvo chenyu chokuda kutonga mumhuri yose yeChiKristu. Nhasi tinouya kuzokukumbirai kuti mutore musha wedu wose. Tinoshuvira kuti nomukutendeka kwamuri muchokwadi, musha wedu uonekwe kutekeshera kworudo, rugare nomufaro.
Sudurudzai kure nesu zvose zvingatiparadzanisa nemi; bvisai mweya webopoto; muise kuregererana pane ruvengo; musabvume kuti ruvengo namarwadzo zvipinde mune zvatinotaura; daiwaro moto wechokwadi norunzwisiso waririma matiri zuva nezuva nomukugaropinda Muteuro weMisa tichigamuchira Yukaristia uye tsika yokunamata semhuri zuva roga-roga.
Mwoyo Mutsvene waJesu, tongai nokutungamira makungano edu ose uye zviitiko. Ivai nesu mukufara nomukusuwa. Kana paine anotetereka kubva pamuri kana patiri, daiwaro Mwoyo wenyu wetsitsii wamudzosa kuti akuteererei imi uye abatanazve nesu. Itai kuti nhengo yoga-yoga yemhuri yedu ive muKristu akazvipira, akatendeka kunzira youpenyu yamakadzidzisa neshoko nomuenzaniso wenyu.
Pakuguma, kana rufu rwazouya kuzotora mumwe wedu, tigamuchire nomufaro wechitarisiro chokumuka kwenyu nokuzobatana zvakare nemhuri yedu kudenga, kwamunotipukuta misodzi yose.
Maria, amai vaJesu, ivai amai vemhuri ino. Josefa Mutsvene, chengetedzai nhengo yose yemhuri ino, sokuchengeta kwamakaita Mhuri Tsvene yokuNazareti.
Dai nyasha nechikomborero choMwoyo Mutsvene waJesu chagara patiri; rugare rweMwoyo Mutsvene waJesu rwatitibikira; zvinofanirwa noMwoyo Mutsvene waJesu zvatireverera; shungu dzokudisa kwoMwoyo Mutsvene waJesu dzatitodzanisa naye; tsika dzakanaka dzeMwoyo Mutsvene waJesu dzabwinya mukutaura nomukuita kwedu; muono wakanakisisa woMwoyo Mutsvene waJesu wava mufaro wedu kwemisi isingaperi.
Mwoyo Mutsvene waJesu ivai mambo wemusha wedu. Daiwaro makudzwa nokupiwa mbiri nhasi nemazuva ose mumusha wedu. Amen.
Ritani kuMwoyo Mutsvene waJesu
Tenzi tinzwireiwo tsitsi … Tenzi tinzwireiwo tsitsi
Kristu tinzwireiwo tsitsi … Kristu tinzwireiwo tsitsi
Tenzi tinzwireiwo tsitsi … Tenzi tinzwireiwo tsitsi
Kristu tinzweiwo … Kristu tidavireiwo
Mwari Baba muri kudenga … Tinzwireiwo tsitsi
Mwari Mwanakomana mununuru wapasi …
Mwari Mweya Mutsvene …
Utatu Hutsvene hwaMwari mumwechete …
Mwoyo waJesu Mwanakomana waBaba Nyakugara nariinhi …
Mwoyo waJesu wakaumbwa naMweya Mutsvene mumimba maAmai Mhandara Tsvene …
Mwoyo waJesu makabatana zvizere naMwari muShoko Rake …
Mwoyo waJesu muno ukuru husingagumi …
Mwoyo waJesu imba inoera yaMwari …
Mwoyo waJesu ugaro hwaNyakumusoro-soro …
Mwoyo waJesu imba yaMwari, musuo wedenga …
Mwoyo waJesu choto chinotsva nechido …
Mwoyo waJesu ugaro hwoururami norudo …
Mwoyo waJesu muzere unyoro norudo …
Mwoyo waJesu chitubu chisingapwi chetsika dzakanaka dzose …
Mwoyo waJesu makakodzera kuimbirwa kwazvo …
Mwoyo waJesu Mambo anokokorodza mwoyo yavose …
Mwoyo waJesu mune pfuma youngwaru noruzivo rwose …
Mwoyo waJesu munogara nouMwari hwose …
Mwoyo waJesu munofadza Baba zvikuru …
Mwoyo waJesu matakagamuchira tose upfumi uzere …
Mwoyo waJesu chishuwo chezvikomo zvinogara narinhi wose …
Mwoyo waJesu makadzikama, mune netsitsi dzakanyanya …
Mwoyo waJesu munopfumisa vose vanokumbira kunemi …
Mwoyo waJesu tsime rorupenyu norunako …
Mwoyo waJesu makaripira mhosva dzedu dzose …
Mwoyo waJesu makazadzwa noruzvidzo …
Mwoyo waJesu makaponderwa matadzo edu …
Mwoyo waJesu makateerera kusvika murufu …
Mwoyo waJesu makabaiwa nepfumo …
Mwoyo waJesu tsime renyaradzo yose …
Mwoyo waJesu rupenyu rwedu nokumuka kwedu …
Mwoyo waJesu rugare rwedu nokuwadzaniswa kwedu …
Mwoyo waJesu makapirwa matadzo edu …
Mwoyo waJesu ruponeso rweavo vanovimba nemi …
Mwoyo waJesu chitarisiro chaavo vanofira munemi …
Mwoyo waJesu mufaro waVatsvene vose …
Hwayana yaMwari munobvisa matadzo apasi … Tiregerereiwo Tenzi
Hwayana yaMwari munobvisa matadzo apasi … Tinzweiwo Tenzi
Hwayana yaMwari munobvisa matadzo apasi … Tinzwireiwo tsitsi Tenzi
Jesu mune mwoyo munyoro unokotama … Itai kuti mwoyo yedu ifanane nowenyu.
Ngatinamatei:
Mwari Munamasimba ose musina mugumo, tarirai Mwoyo woMwanakomana wenyu wadiwa kwazvo, muone nokufadzwa nekukurumbidzai uye kukuripira kwaakakuitirai panzvimbo pavatadzi. Isu vatadzi tinokumbira tsitsi dzenyu, mubvume kutiregerera muzita rouyo Mwanakomana wenyu Jesu Kristu, anogara noumambo pamwe naMweya Mutsvene kwemisi isingaperi. Amen.
Kuteketera pasi rose kuMwoyo Mutsvene kwazvo waJesu
(Kwakaitwa naPapa Pius XI pamhemberero yokutanga yaKristu Mambo wazvose mugore ra1925)
Jesu makanakisa, mudzikinuri wevanhu vose, titarireiwo isu tinozvivanzaridza mukuzvidukupisa pamberi peatari yenyu. Tiri venyu uye tinodisa kuva venyu, asi kuti tive nechokwadi chokunyatsobatana nemi, tinokumbira kuti nhasi mutore mumwe nomumwe wedu muchimuteketera kuMwoyo wenyu Mutsvene kwazvo. Pane vazhinji vasina kumbokuzivai; zvakare pane vazhinji vakasvora mirau yenyu vachikurambai. Jesu Nyatsitsi, nzwirai ava vose tsitsi muvakwezvere kuMwoyo wenyu Mutsvene. Tenzi ivai mambo, kwete kune avo vakatendeka vasinakumbokurasai bedzi, asiwo kune vana vakarasika vakatetereka kubva pamuri. Itai kuti vakurumidze kudzoka kuimba yaBaba vavo, vasafire muushai nenzara. Tenzi ipai sangano renyu rusununguko nedziviriro kunjodzi. Ipai rugare nokugarisana pakati pamarudzi; pasi rose kusvika papakaperera, ngapatinhimire nemashoko okuti: Rumbidzwai Mwoyo waMwari waJesu makaunza ruponeso rwedu; mbiri norukudzo ngazvipiwe kunemi zvino nokusingaperi. Amen
Mufananidzo weTsitsi dzaMwari
Munamato panguva dzetatu (3 o’clock)
Makafa Jesu, asi ndizvo zvakava mviro mviro youpenyu kuvanhu vose; uye nyanza yetsitsi dzenyu ikazarukira pasi rose; chokwadi chitubu choupenyu, tsitsi dzisina ani anogona kudziera, shongedzai pasi rose, uye zvidururei pachenyu pamusoro pedu Ropa nemvura zvakapfachuka zvichibva pamwoyo waJesu sechitubu chetsitsi kwatiri –
Ndinovimba nemi (katatu)
Jesu ndinovimba nemi (katatu)
Rusariro Rwetsitsi dzaMwari
Tinoshandisa rusariro rwaMaria (rwatajaira) sezvizvi:
Patsanga diki nhatu dzokutanga tinoti:
Baba vedu muri kudenga …
Kwaziwai Maria …
Ndinotendera Mwari …
Patsanga hombe tinoti:
Baba vedu vari kudenga ndinokupirai muviri, ropa, mweya nouMwari hwomwanakomana wenyu wapamwoyo, Tenzi wedu Jesu Kristu achiripira matadzo edu, neayo avanhu vose pasi rose.
Patsanga diki gumi tinoti:
Napamusana pokutambudzika kwake kunosuwisa – Tinzwireiwo tsitsi isu napasi rose
Pokupedzisira tinoti katatu:
Mwari munoera, munoera samasimba ose, munoera munogara nokusingaperi, tinzwireiwo tsitsi isu navanhu vose pasi rose.
Kunamatira chishamiso naBaba Pita Maria Ruki
Tenzi Jesu, ndinouya pamberi penyu sezvandiri. Ndine urombo, ndakatadza. Ndinopinduka kuzvitadzo zvangu, ndiregereiwo. Nomuzita renyu ndinoregerera vose vakanditadzira. Ndinorasa satani, mweya wakaipa namabasa awo wose. Tenzi Jesu, ndinozvipa kwamuri zvizere zvino nokusingaperi. Jesu ndinokukokai kuti mupinde muupenyu hwangu. Ndinokugamuchirai saTenzi Mwari nomuponesi wangu. Ndirapei, ndishandurei mugondisimbaradza pamuviri napamweya.
Uyai Tenzi Jesu, ndishongedzei neropa renyu rakakosha, mundizadze noMweya Mutsvene wenyu. Ndinokudai Tenzi Jesu, ndinokutendai. Ndichakuteverai mazuva ose oupenyu hwangu. Amen.
Maria amai vangu, hosi yorugare, Peregrini Mutsvene murevereri wevane gomarara, nemi mose vatumwa navatsvene, ndibatsireiwo. Amen.
Ita munamato uyu wakasimudza Muchinjikwa uye uine kutenda. Hazvina mhosva kuti uri kunzwa sei, asi ukasvika pakureva zvaurikutaura nomwoyo wako wose, pane zvakanaka zvichaitika pamweya wako. Uchasangana naJesu, achasandura upenyu hwako nenzira inoshamisa. Uchazviona.
Mweya waKristu, ndinatseiwo,
Muviri waKristu, ndiponeseiwo,
Ropa raKristu, ndigutiseiwo,
Kurwadziwa kwaKristu ndisimbiseiwo,
Jesu makanaka ndidavireiwo,
Mumaronda enyu ndivanzeiwo.
Regai kubvuma kuti ndiparadzane nemi,
Kumuvengi wakaipa ndidzivirireiwo,
Pamusi wokufa kwangu ndishevedzeiwo,
Ndidaneiwo ndiuye kwamuri,
Kuti ndikuimbireiwo navasarudzwi venyu,
Misi isingaperi. Amen.
Munamato waTomasi Akwinasi Mutsvene
Tenzi, tipeiwo mwoyo yakatsiga
isingatsitsirwi namafungiro asina kunaka;
mwoyo yakashinga
isingakurirwi kana kurukutiswa nemuedzo;
mwoyo yakarurama
isinganyengedzwi nezvinhu zvisina maturo.
Tenzi Mwari wedu,
Tipeiwo runzwisiso kuti tikuzivei,
uchenjeri kuti tikutsvagei,
ungwaru kuti tikuwanei,
uye kutendeka kuti tigozoramba takakabatirira pamuri.
Minyengetero 