Madhamu: Dhedhi nhasi ndabika chikafu chamunofarira kupinda zvose.
Habhi: Wakatanga kugona kubika doro reCastle riinhi?
Mumwe murume aiva nomudimai wake anoshusha kuzororo kuJerusarema.
Mukadzi akafa zvisingatarisirwi.
Afa, kambani inoona nezvekuradzikwa kwavanhu yakamupa zano rokuti zvinoda $45 000 kuti mutumbi womudzimai wake utakurwe kuenda kuZimbabwe kana kuti $500 kuti avigwe imo muJerusamema makare.
Audzwa izvi murume akati, ‘Mutakurei kuenda kumusha.’
Mumiririri wekambani yokuradzikwa kwavanhu akakatyamada akabvuna kuti, ‘Vakuru, ko sei musina kuda kuti mudzimai wenyu avigwe muNzvimbo Inoera, marega kutambisa mari?’
Murume akapindura achiti, ‘Makore akawanda adarika mumwe murume akavigwa muno akamuka muvafi nezuva retatu … handidi kuzodemba!’
Usadherere madzimai epamusika, ndazoita maminitsi mashanu ndichizama kusarudza kabheji rakanaka, zvikanzi ‘nhai mukuwasha munoti mungawane rine nyama here ?’
Amburera haimisi mvura kunaya, asi inotigonesa kumira kuchinaya tisinganaiwe. Chivimbo chinogona kusaunza budiriro asi chinotipa samba rokutarisana nedambudziko ripi zvaro. Dai zvose zvaunoita zvakupa mufaro norugare mumweya wako.
© Musakope mharidzo iyi musina mvumo
Zvinoita sengunge vashandi vakapedza zuva rose vachibinduka mumunda wemuvhaini vakanga vaine nyaya. Hazvairatidza zvakanaka kuti vawane mubairo wakaenzana nevanhu vapedzisira kuuya pabasa. Ivo ndivo vakanga vatsva nezuva kwemuswere vamwe vakauya kwave kutonhorera. Asi tikaongorora tinoona kuti muridzi weminda yemivhaini ane nyayawo zvekare. Akanga aita chibvumirano neboka roga-roga rakauya kuzomushandira. Haana kutyora zvibvumirano izvi nemapoka ekutanga nekuda kwenyasha dzaakaitira boka rakapedzisira kuuya.
Maitiro aMwari akasiyana nemaitiro evanhu. Tingati here Kristo akatadza paakati kumbavha yakange yava kufa iri parutivi rwake pachipiyaniso ‘Nhasi chaiye ndichange ndiinewe muparadhiso’? Mbavha iyi haina kutevera Kristo kweupenyu hwayo hwose. Haana kusiya mhuri neshamwari zvakaita vamwe. Chaaita kubira vanhu. Vadzidzi aJesu pavaivavarira kuita vanhu vakanaka, iye aitsvaga wekubira. Zvine ruenzaniso here kuti munhu akadai aregererrwa nekuti apupura chitendero ave kufa? Hongu zvine ruenzaniso. Nyasha dzamwari kune mbavha iyi hadzireve kuti nyasha dzevarurami dzadzimwa. Anogona kuva akanonoka kuuya kunaMwari, asi its never too late kuna Mwari. Kuna Mwari hakuna ndanonoka.
Dama Rakanaka iri rinotaura nezvedu nenzira mbiri. Chikutanga, rinotiudza kuti tiremekedze daidzo yedu yekutanga yatakapiwa namambo. Vamwe vedu takatambira daidzo iyi pakuzvarwa. Ichi chaiva chipo chikuru kubva kuvabereki vaida kuti tigoverane muhupenyu hwechiKristo. Vamwe vakadaidzwa panguva dzakasiyana siyana dzeupenyu. Vamwe daidzo yavo yakakonzerwa nedambudziko rakaita kuti vazive Mwari. Daidzo chipo. Mwari anotipa chipo ichi panguva dzakasiyana-siyana, uye nenzira nzakasiyana-siyana.
© Musakope mharidzo iyi musina kupiwa mvumo.
Kutekeshera kwemidzio yokufambiswa kwamashoko kunoita kuti ruzhinji rwavanhu rukwanise kugoverana mashoko chiriporipo uye kunoita kuti mashoko apararire kunzvimbo dziri kure. Nhasi dzinogoverwa dzinogona kuva dzakaipa uye dzinogona kuva dzananaka.
Vatenderi vokutanga vaiedzanisa pfungwa dzemunhu neguyo. Zviri kune uyo anokuya kuti chichakuyiwa neguyo chii – upfu hwakanaka kana kuti marara? Pfungwa dzedu dzakafanana neguyo uye dzinogara dzichikuya, asi zviri kwatiri kusarudza zvinokuyiwa paguyo repfungwa dzedu.
Nhasi zura iri rokufambiswa kwamashoko rinobata vapepeti venhau vakadzidzira basa ravo nesu tose nokuti tinofambisawo mashoko. Tose takafanana nemakuyo, tinokuya mashoko anozogamuchidzwa kuvanhu. Tinofanira kukuya mashoko nenzira yokuti anovaka, anokurudzira chokwadi, kwete nenzira yokuti anokurudzira rusarura.
Isu savafambisi vemashoko tinofanira kuputsa tsika iriko mazuva ano yokutyisidzira vanhu nokungoburitsa chete nhau dzakaipa (hondo, matororo, zvinyadzo nekukoniwa kwakasiyana-siyana). Hatisi kuti musataure chokwadi bodo. Hatisi kuti musadura zvakaipa zvamunoona bodo. Tiri kuti musashandisa mashoko kukurudzira zvakaipa nokutyisa vanhu. Vamwe vanoti nhau dzakanaka hadzitengeseke. Chinotengeseke inhau dzematambudziko nedzezvinhu zvinotyisa.
Tinofanira kukurudzira kufambiswa kwamashoko kusingarumbidzi chivi asi kunotsvaga nokuratidza vanhu mhinduro.
Kazhinji zvinhu zvinoenderana namaonero, namagirazi atinenge takapfeka. Isu ngatipfekei magirazi anoita kuti tione chakanaka tichifambise.
Mariko anotanga Dama rake achiti ‘uku ndiko kutanga kwenhau dzakanaka dzaJesu Kristu, Mwanakomana waMwari.’ (Mk 1:1). Nhau idzi dzakanaka kwete nokuti hapana matambudziko asi nokuti matambudziko aya anoonekwa neziso rechakanaka. Shoko raMwari ishoko rinoti ‘musatya’ (Is 43:5). Ishoko rinoti ‘Ndinemi’. Ishoko rechitarisiro, chitarisiro chisingarasise (Rom 5:5)….
Jongwe rinogona kuita remusha mumwe chete asi kana rikakukuridza raini rose rinotozvinzwa kuti ijongwe rekwaningi rakukurudza.
Dai Mwari vakuropafadza zvinosvota Satani nevake.
Mutsindo wegomborero rako ngauite ruzha runosvika munzeve dzavose vanokuvenga.
Dai vose vanokutarisira pasi vagoziva kuti wakaropafadzwa.
Mwari ngavakusimudze, vakuitire zvakanaka.
Dai wabata zvaunoshuvira.
Nyadzi dzinokunda rufu. Funga nguva iya yaunokudubura poto kuti ube nhangu yenyama chivaro choita ruzha kuti kunguruuuuu … apa iwe hauchariva kuti chipunu ndicho change chiri pamusoro pechivharo here kana kuti chivharo ndicho changa chakakweidibira pawanga usati wavhura.
Paweekend ndanga ndakanzwa nekubhuroka, saka ndakaswera padheni ndichitotaurawo namadhamu nyaya dzakasiyana siyana. Ndakatoshama kuti anenge munhu atori bho bho nhai …
Pita mutsvene akati akarindira paghedhi redenga Jesu ndokuuyapo. Akabvunza Pita kuti, ‘Uri kunyatsosarudza vano vanokodzera here? Sei vanhu vanhu vari kupinda vawandisa kudaro?’
Pita akati, ‘Haisi mhosva yangu. Ndiamai venyu vari kuti ndisati ndambo bvunza voti “uyo ndewangu neuyo neuyo ndewangu vaigarondikudza nekundikumbira saka rega vapinde.”’
Tine murevevereri anomira nesu nguva dzose.
Minyengetero 