Svondo 2 roMwaka woKuuya C – Gwenga roupenyu

Posted by MC on December 8, 2018
Posted in: Mharidzo, Mharidzo dzamasvondo, Mwaka woKuuya C. Leave a comment

Shoko raMwari rakafambiswa nemunhu nhando aiva mugwenga.

Rungano rwaJowani nhasi runogona kutaura kwatiri.

Varipo pakati pedu vari mugwenga:

  • Mugwenga rokuti ukama mumhurihauna kumisa zvakanaka;
  • Mugwenga rokuti kubasa zvinhuhazvina kumira zvakanaka;
  • Mugwenga rokuti mhirizhonja,humbavha, huori, namamwe matambudziko atekeshera munyika;
  • Mugwenga rokuti kunamata chaikokwava kurema, hapana zvaunonzwa.

Asi ndinoda kuti uzive kuti Kunyange mugwenga mune izwi rinodaidzira richiti zvinhu zvichaita zvakanaka. Kunyange uri pakati pamatambudziko, zama kugadzirira makwara ako, kutwasura nzira dzako Nokuti ruponeso rwako ruri padyo. Muhupenyu hwako mune makan’a aunoshaya kuti achafushirwa sei. Muhupenyu hwako mune makomo aunoshaya kuti achaparadzirwa sei. Muhupenyu hwako mune nzira inotenderera-tenderera zvikuti unoshaya kuti uchasvika here kwauri kuenda. Muhupenyu hwako mune nzira dzine matombo anobaya zvekuti wava nemadudzu anokutadzisa kufamba. Asi zvakadaro ramba uine chitarisiro Nokuti ruponeso rwako ruri padyo.

Svondo 2 Mwaka wokuuya C – Mwari anoshandisa vanhu nhando

Posted by MC on December 8, 2018
Posted in: Gore C, Mharidzo dzamasvondo, Mwaka woKuuya C. Leave a comment

Isu savanhu tinoda kunakidza vanyamasimba vepasi rino, sokunge vakakosha pakuparadzirwa kweshoko raMwari. Tinofuratira uchenjeri hwavatinofunga kuti varombo. Asi tikatarisa parungano rwaJowani tinoona kuti shoko raMwari rinowanzonyenyeredza vanozviti vane simba.

  • Rakanyenyeredza utongi waTeberiyasi Siza hwamakore gumi namashanu
  • Rakanyenyeredza Pirato, mutongi mukuru
  • Rakanyenyeredza Vanyamasimba vakaita sana Herodhi, Firipi, Risanusi.

Shoko raMwari rakafambiswa nemunhu nhando aiva mugwenga.

Svondo 33 reGore B

Posted by MC on November 14, 2018
Posted in: Gore B, Mharidzo, Mharidzo dzamasvondo. Leave a comment

Mutauro unityisa

Mutauro uri kushandiswa muzviverengo zvedu nhasi unotyisa.Hanzi naKristu kuchava nehondo nemakuhwa ehondo. Nyika dzicharwisana. Muchaturirwa mumaoko avavengi. Mucharohwa chaizvo mumasinagogi. Muchauiswa pamberi pavatongi namadzimambo. 

Mutauro wakadai unowanzoshandiswa munguva yokunge vanhu vakadzvanyirirwa uye vakaomerwa. Unoitirwa kupa vanhu chitarisiro. Vanhu vanenge vachinzi, ‘Rambai makabatirira. Nyange mukaona nhamo yakaita sei, nyange mukarwadziswa zvakaita sei, zivai kuti zvinhu zvose zviri mumaoko aMwari. Mwari haazombofa akabvumidza uipi noudzvanyiriri kuti hukunde zvachose. Ichakwana nguva apo uipi nohudzvanyiriri hwose zvichawisirwa pasi. Chinangwa chikuru chamashoko aya anotyisa hachiri chokutyisa vanhu asi kukurudzira vanhu, kuvanyaradza, kuvapa chitarisiro.

Chiverengo Chokutanga

Dhanyieri anotaura nezvenguva yokutongwa ichatungamirwa nenguva yenyonga-nyonga. Dhanyieri ari kuti panguva yakadai avo vanenge varasikirwa nohupenyu hwavo nokuda kwokuvavarira ururami havazomboshaya ruenzaniso nemubayiro. Vachamutswa vachienda muhupenyu husingaperi. ASiwo avo vanenge vasina kutendeka vachidyidzana nohuipi vachava nokunyadziswa kukuru. 

Shoko Rakanaka

MushokoRakanaka, Jesu anofembera nezvekuparadzwa kweguta reJerusarema pamwe neTemberi. Anofemberawo kuti kuchava nehondo nenyonga-nyonga huru, kuchava nekushungurudzwa kwavatendi pamwe nevamwe vachatengesa. Zvose izvipazvinoitika vazhinji vachapindwa nemweya wokudzokera shure. Jesu akatarisara neizvi anoti ‘Tsungai. Rambai makabatirira. Mwanakomana womunhu achauya. Hamuzivi maitikira azvichaita nenguva yazvichaitika asi musaore moyo.’

Dzidziso

Zviitiko zviri kutsanangurwa naJesu zvinoita sezvinotyisa asi basa razvo ndere kukurudzira. Zvinhu zvinogona kuva zvakaoma asi ramangwana rakajeka.  

Svondo 32 reGore B – Kupa nomufaro

Posted by MC on November 10, 2018
Posted in: Gore B, Mharidzo, Mharidzo dzamasvondo. Leave a comment

Jesu akasvora vaZivi vemutemo naVaFarisiya kkokushaya hanya navarombo vachingozvifunga ivo pachavo. Nemhaka yokuti vaida kungoonekwa ivo chete, mipiro yavo neminamato yavo yaiita semitambo yavari kuita kuti vaonekwe navanhu. vaida kurumbidzwa navanhu, havaida kuratiddza chiremera chamazviro kwazvo. Vaitsvaga simba nembiri pane kutungamidza kuitira vamwe. Vaive nenzara yokuonekwa. Zvaiita sokunge chimiro chakanaka ndicho chaikosha kudarika zvimwe zvose. Izvi zvakavaita kuti vazvikudze pamwe nokudada.

Isu tinogona kuva tisina kunyanyosiyana navanhu ava. tinofanira kuchenjera kuita zvinhu kuti tionekwe. Izvi zvinogona kutiita kuti tizvikudze pamwe nokuva norudado.

VaZivi vemitemo navafarisiya vakaenzaniswa neimwe shirikadzi. Jesu akavaonesa chimiro nemaitiro eshirikadzi iyi. Sezvo vanhukadzi vakanga vasingaonekwi sechinhu nguva iyoyo, vaitoraramiswa pana zvose navarume vavo. Saka murume wayo paakafa, shirikadzi iyi yakatanga kudya nhoko dzezvironda. Shirikadzi iyi yakanga yasiya mhuri yayo uye yaisakwanisa kudzokerako, zvakare pakufirwa yakanga isisina chinzvimbo mumusha mayakaroorwa.Yakanga yamira yoga munhamo nemumatambudziko.

Asi chinoshamisa ndechekuti maitiro ayo haaratidze kuti ine nhamo huru. Haitsvage kuonekwa. hainei nekurumbidwa navanhu. Urombo hwayo hwakaidzidzisa kukutsikana nezvaiinazvo.

Mweya wakadai wokugutsikana, kutenda nokuva nomufaro unoonekwa nokukanda kwayakaita koini. Jesu akazviona akairumbidza. Shirikadzi iyi yaivimba naMwari. Kukanga zvose kunoreva kuti unoziva kuti upenyu hwako huri mumaoko aMwari. Yaisazvinetsa nezveramangwana. Chaikosha panguva iyoyo kupa.

Muchiverengo chokutanga tiri kusanganawo neimwe shirikadzi zvekare yaiva nenhamo huru mugore renzara. Asi zvakadaro yakavimba naMwari. Izvi tinozviona pakuti yakapa Elijah zvokudya kunyange yaive yasarirwa netushoma. Shirikadzi iyi haina kuchema-chema nokuda kwehurombo hwayo. Haina kudzinga Eriya ichiti ndasara nezvishoma. Yakapa zvishoma zvo ichifara. Shiri kadzi mbiri idzi hadzina kuomera nezvishoma zvadzaive nadzo asi kuti dzakatambanudza maoko.

Hama dzadiwa, tikaziva kuti takakomborerwa sei tinozara nokutenda. Zvakakosha kuona nokutenda pamusoro pazvose zvatakapihwa. Tinofanira kutenda kwete zvinhu zvinobatika chete, asi hukama hwakanaka hwatakapihwa, rudo rwatinopihwa, rutsigiro rwatinopihwa, vanhu vanova zvipo muhupenyu hwedu, matarenda atiinawo, kugona kwatakapihwa. tikafarira nokutenda zvatiinazvo tichava nomufaro uye tichawedzerwa.

Zuva raVaTsvene Vose: Kuona

Posted by MC on November 2, 2018
Posted in: Mazuva Makuru, Mharidzo, Svondo raVatsene Vose. Leave a comment

Dzimwe nguva tinorarama takavharirwa muhupofu hwedu. Kubva pakuzwarwa tinopihwa mumwe mufananidzo ‘hwehupenyu hwakanaka’. Hupenyu hwemotokaari dzinodhura, hwenzendo dzekure kune mafaro, hwemadhidhindi, hwedzimba dzakanakisa nezvimwe. Tinoudzwa kuti upenyu chaihwo hupenyu hwekunge wakasununguka, pasina mitemo inokusungirira uye uchiwana zvose zvaunoda. Tinoratidzwa mufananidzo wokuti hurombo, nzara nokushaya hupenyu hwokutukwa.

Continue Reading

Svondo raVatsvene Vose – Zvapupu zvorudo

Posted by MC on November 2, 2018
Posted in: Mazuva Makuru, Mharidzo, Svondo raVatsene Vose. Leave a comment

Vasande vanhu vakava nechivindi chokurarama upenyu hweChiKristu. Upenyu hwavo ikurudziro huru kwatiri. Asi zviri nyore kurasika pakutevedzera vasande ava. Tinogona kuvashandura kuvazvimwari. Tikadaro kuvatevera kunova mhingidzo kwete rubatsiro muchitendero. Continue Reading

Svondo raVaTsvene Vose – Hunhu hunotarisirwa

Posted by MC on October 30, 2018
Posted in: Svondo raVatsene Vose. Leave a comment

Mumakomborero ari kududzwa naJesu pavadzidzi vake tinoona hunhu hwaanoshuvira pavari. Mashoko aya anoshandura maonero namafungiro amazuva ose.

Nyika inoti ‘Vakakomborerwa vapfumi, nekuti vane zvese zvavanoda.’ Asi Jesu anoti, ‘Vakakomborerwa varombo pamweya.’ Kana achiti ‘varombo pamweya’ anoreva avo vanovimba naMwari kwete nemari; avo vanoziva kuti hausi huwandu hwemari yavainayo hunovapfumisa asi hunhu hwavo.

Nyika inoti ‘Vakakomborerwa vanorarama mutambaara tede.’ Asi Jesu anoti ‘Vakakomborerwa vanochema.’ Vanhu vanerudo ndivo chete vanogona kuchema. Ukazarurira mwoyo wako kune vamwe watovhua mukana wekugoverana navo mitoro yavo nekusuwa kwavo.’ Kurarura mwoyo wako ndiko kuvamba upenyu.

Nyika inoti ‘Vakakomborerwa vakasimba vane simba.’ Asi Jesu anoti ‘Vakakomborerwa vakapfava.’ Kupfava hazvirevi kuva neutera sezvinofungwa navazhinji. Kupfava kunoreva simba guru rakanaka. Pane zvikuru zvakawanda zvinogonekwa nerupfave bedzi.

Nyika inoti, ‘Vakakomborerwa vanenzara yesimba, zvinzvimbo, nembiri.’ Asi Jesu anoti ‘Vakakomborerwa vanenzara yoururami.’ Kurarama zvakarurama ndozvinoreva upenyu. Vanozvikoshesa sekukoshesa kwavanoita kudya nekunwa racharaiddza mufaro wechokwadi.

Nyika inoti ‘Vakakomborerwa vasingaratidze tsitsi.’ Jesu anoti ‘Vakakomborerwa vanoitira vamwe tsitsi.’ Vanhu vanonzwisisa kukoniwa kwavamwe vachawana mufaro, vanhu vakadai vanochipo chekuregerera. Vanhu vakadai vanoitirwa nyasha naMwari pazvivi zvavo.

Nyika inoti ‘Vakakomborerwa vane nzara, mazino neganda rakachena.’ Jesu anoti ‘Vakakomborerwa vane mwoyo yakachena.’ Mumwoyo medu ndimo munobva pfungwa, mazwi nezviito zvakanaka. Kana mwoyo wakachena zvose zvinobva mauri zvinenge zvakachena.

Nyika inoti ‘Vakakomborerwa vanokonzera mhirizhonga nevanovamba hondo.’ Jesu anoti ‘Vakakomborerwa vasakisi vorugare.’ Vakakomborerwa vanoparadzira kunzwisisana pakati pavanhu, vanogamuchira vatorwa, vanoshandira nyika ineruenzaniso. Vanhu ivavo vana vechokwadi vaMwari.

Nyika inoti ‘vakakomborerwa vanonyepa nekubiridzira.’ Jesu anoti ‘Vakakomborerwa vanomirira ururami.’ Kana vakashushirwa zvavanomirira, mavanga avanowana mavanga echiremera.

Makomborero mucherechedzo wokuva mudzidzi chaiye waJesu. Makomborero ndiwo mwero weutsvene. Zvinomiririrwa neMakomborero zvakakosha zvikuru – rugare, unaku, mufaro, rupfave, mwoyo munyoro, nyasha, chiremera … Munhu anorarama maererano nemakomborero ari kutorarama muhumambo hwedenga.

Svondo 30 reGore B (2)

Posted by MC on October 24, 2018
Posted in: Gore B, Mharidzo dzamasvondo. Leave a comment

Batimeyo paakanzwa kuti Jesu aimudaidza akasimuka ndokukandira jasi rake parutivi akatanga kuenda kunaJesu. Jasi iri raiva rakamukoshera. Raimua madziya. Raifukidza uipi hwake. Raimupa chimiro nechiremera. Asi zvakadaro akarikandira kure akasvika panaJesu ari zvaari – nerima rake, neurombo hwake nehuipi hwake. Jesu akamugamuchira akamuita kuti aone zvekare.

Isuwo tiri mapofu nenzira dzakawanda. Tiri varombo nenzira zhinji. Jesu ari kuti dana kuti tiuye kwaari. Anoda kutiponesa. Asi dzimwe nguva pane zinotiremera kusiya kuti tisvike paari tiri zvatiri. Kudada kwedu kunoita kuti tinyepedzere kunge zvinhu zvakaringana izvo zvisina. Tinoda kuita sevanhu vakarurama isu tisina. Tinofunga kuti tikabvuma uipi hwedu nokutadza kwedu Jesu haatigamuchire. Tinosarudza kupfeka sezvigure kuti tisaonekwe zvatiri. Si tinofanira kuita chivhindi chokusvika panaJesu sezvatiri. Hapana chaanotipa kunze kwemwoyochena nerudo nekurapwa. Ngatisamire parutivi rwenzira. Ngatisanyare kutsvaga rubatsiro.

Batimeyo anotidzidzisa kuti kana muchato usina kumira zvakanaka usatya kutsvaga rubatsiro. Kana wasvibiswa norutadzo usanyara kureurura kuna baba vezvomweya. Mwana asingachemi anofira mumbereko.