Ukatumira musikana mari yokufambisa kuti auye kwauri iye orega kuuya zvakare orega kudzosa mari …
Ukashandisa mutemo wenyika Section 492(i) of the Criminal Procedure Act & file a case of theft under false pretence anotongerwa makore manomwe mujeri here?
Wakambogara pane boka rinonyeya zvekuti unototya kusimuka uchitoziva kuti ukabva ndiwe unotevera?
Muroyi akatendeukira muchechi akanzi ‘Wava chisikwa chitsva.’ Akazonzi, ‘Tipei zvamaishandisa tipise.’ Akavapa zvimwe zvese ndokuchengeta zizi. Akachinzi namufundisi ‘Ko tipei zizi tipise’ iye ndokuti ‘Ichi chava chisikwa chitsva, chava chihuta!’
Mudzimai: dhedhi, pamunobuda pakupera kwevhiki munenge muchienda kupi?
Husband: kunoraura mudiwa
Mudzimai: Muramba wenyu wafona wati une nhumbu.
Kaupenyu kemubhaibheri kaisipaka. Funga uchidzoka kumba mushure memazuva matatu wotoudza mukadzi wako kuti ndanga ndakamedzwa nehove iye otobvuma. Vamwe vaigara vakamudzwa!
Moti hausi muedzo here uyu? Ndopa munhu bhutsu dzangu kuti asone, papera vhiki imwe ndomuona akadzipfeka ndomubvunza oti, ‘Ndiri kuedza, its road test!’
Wasvika pane nzvimbo ine imbwa iri kuhukura stereki munhu waunovimba naye oti rega hako kutya, imbwa yacho haina mazino. Kutya kose kuri mauri kunobva kwabuda, kwete nekuti imbwa yabatwa kuti isakurume asi nokuti wapiwa mashoko anokusunungura. Chero imbwa yacho ikazoda kukuruma hapana chaunonzwa nokuti mukanwa hamuna kana zino rimwe. Mashoko ekuti imbwa haina mazino akakwana kukusunungura kubva mukutya.
Vanhu vazhinji vanorarama mukutya nokuda kwekuti havana mashoko pamusoro pezvinhu zvavanotya. Vanhu varikutya zvinhu zvakawanda muupenyu nokuti havana ruzivo pamusoro pezvinhu izvozvo.
Jesu anoti ‘Muchaziva chokwadi uye chokwadi chichakusunungurai’ (Jowani 8:32). Chimwe chezvinhu chaunosunungurwa kubva pachichiri nechokwadi (shoko raMwari) kutya. Shoko raMwari rakafanana nekii inokuvhurira gonhi kuti ubude mukutya.
Mumwe arikutya mbiya dzaakaona pamharadzano nechijira chitvuku. Inyaya yekuti haasati averenga Izaya 54:17 inoti, ‘Hapana chombo chawakagadzirirwa chichakukunda.’ Mumwe anotya vaanoti varoyi vanofamba manheru chikonzero ndechekuti haasati averenga Nziyo 91:5 inoti ‘Hauchazotyi zvinotyisa usiku.’ Mumwe arikutya vaanotimasatanists nokuti haasati averenga 1 Jowani 4:4 inoti ‘Mukuru ndeari mauri pane ari munyika.’ Mumwe arikutya kuti zvaakanzi ane chirwere zvakureva kuti ave kufa, asi Nziyo 103:3 inoti ‘Tenzi anorapa matenda ose.’ Chero chete usina ruzivo pamusoro pechinhu chauri kutya, ucharamba uchitya kusvika waziva chokwadi. Jowani 8:32 inoti, ‘Ipapo muchaziva chokwadi, uye chokwadi chichakusunungurai.’
Baba kwakusvika kumba mushure mokupedza basa wanike amai havana mufaro, vakamudhura.
Baba: Ko chii chiri kunetsa nhai adzimai?
Amai: Baba vemwana ndavane mazuva ndichishushikana, kubva zvamatanga basa ritsva. Ndiani anonzi aramu (Alarm) anofona na6 kuseni kwega-kwega imi mokata foni kuti ndisanzwe pamunenge muchitaura?
Baba: Hezvo!
Nerimwe zuva shiri yakasvika pakubvunza nyuchi kuti, ‘Nhai shamwari zuva nezuva ndinokuona uri pamaruva uchitora muto wekunogadzira uchi, asi vanhu vanongokutorera uchi hwako. Ko hazvikurwadze here?’
Nyuchi ndokupindura ichiti, ‘Vanhu chavanogona kutora uchi chete, asi havakwanise kunditorera chipo chekugadzira uchi hwacho.’
Nyange vanhu vakatorera nyuchi uchi hwayo haife yakaregera kugadzira humwe, uye haiwore moyo. Gara uchiita zvakanaka nguva dzose. Usateerera vanoda kuodza moyo. Pose pane chakanaka chakaipa hachishaikwe. Usaore moyo nyange ukakundikana. Ukaramba uchiita zvakanaka mubairo wako uchave mukuru kudenga.
Mozisi anorova gungwa dzvuku netsvimbo kuti ayambukire mhiri nevana veIveIziraeri! Eriya anorova Jorodhani nehembe yake kuti ayambukire mhiri. Erisha akaitawo zvimwe chetezvo. Asi Jesu akamusoro pemvura yacho.
Mozisi naEriya vakapfura napakati pemvura, pakati pemamiriro ezvinhu, pakati pedambudziko. Asi Jesu akafamba pamusoro pemvura, pamusoro pemamiriro ezvinhu, pamusoro pedambudziko.
Kana ukava naJesu uchava pamusoro pemamiriro ezvinhu. Kana uina Jesu unofamba pamusoro pematambudziko ako.
Mwari haana kubvisa mvura pamberi pevana veIziraeri kana pamberi paErisha naEriya. Asi akavapfuudza nepakati payo. Jesu zvekare haana kutambisa simba rake achinamatira kuti mvura ibviswe paaida kufambira nokuti aiziva kuti anesimba rekufamba pamusoro payo.
Newewo nhasi ziva izvi: dzimwe nguva usanamatire kuti matambudziko abviswe pamberi pako. Rega vanokufuridzira mamhepo vaite, vanokuvenga vaite , nevane godo vaite uchiziva kuti uchafamba pamusoro pazvose nokuda kwaJesu
Hazvinei kuti gungwa rakadzika zvakaita sei. Jesu akafamba pamusoro pemvura yakadzika. Newewo uchafamba pamusoro pematambudziko zvisinei nokuti akakura sei.
 | Anonymous on Muviri neRopa raKristu- P… |
| Anonymous on ChiShona |
| Anonymous on ChiShona |
| Anonymous on ChiShona |
| Anonymous on ChiShona |
| Anonymous on Muviri neRopa raKristu- P… |
| Anonymous on ChiShona |
| Anonymous on ChiShona |
| Anonymous on ChiShona |
| Anonymous on ChiShona |
Minyengetero 